Алматы облысы Қарасу ауылында сегізінші сынып оқушысы жүргізуші рөлге ие бола алмай қалған кезде автобусты тоқтатып, апаттың алдын алған деп хабарлайды Ulysmedia.kz. әлеуметтік желідегі gres_info парақшасына сілтеме жасап.
,
22 қараша күні № 219 автобус жүргізушісінің аяқасты жүрек талмасы ұстап, рөлге ие бола алмай, есінен танып қалған. Суреттегі Ақжол есімді бала автобустың ішіне жүгіріп кіріп, тежегішті басып, тоқтатып үлгерген.
– Жасөспірім олай ерлік жасамағанда, бағытынан ауытқыған автобус үйлерге басып кіретін еді. Округ әкімі мына баланы тауып алып марапаттау керек. Баланың есімі Ақжол және ол №24 лицейде оқиды, – делінген әлеуметтік желідегі жазбада.
Әлеуметтік желі қолданушылары оқушының ерлігіне тамсанып, жарыса жазып жатыр. Олардың бірі – “Ата-анасына осындай ұл тәрбиелегені үшін алғыс айтамыз. Оның ісі жас ұрпаққа үлгі боларлықтай” десе, енді бірі – “Атына заты сай деген осы. Мұндай ерлікке барған ұлды марапаттау керек”, “Жарайсың, Ақжол! Қаншама аналардың баласын аман алып қалдың. Жасың ұзақ болсын!” деп ізгі тілектерін де арнап жатыр.
