×
451.31
487.32
4.9
#2023жылқорытынды #қаңтар қақтығысы #сайлау #Украинадағы соғыс #Палестина #жемқорлық #тағайындау
451.31
487.32
4.9

Алматы хостеліндегі қайғылы оқиға: Адам өліміне әкелген өртке қатысты қылмыстық іс қозғалды

30.11.2023, 12:32
Фото: 2GIS

Үйді жалға алушы жөндеу жұмыстарын өзі жүргізіп, оған адамдарды кіргізе бастағаны белгілі болды, деп хабарлайды Ulysmedia.kz.

Төтенше жағдайлар министрлігі өртке қатысты ҚР Қылмыстық кодексінің 292-бабы (өрт қауіпсіздігі талаптарын бұзу) бойынша тергеу басталғанын хабарлады. Қылмыскер жеті жылға бас бостандығынан айырылуы мүмкін.

Алдын ала болжам бойынша, өрт жертөле дәлізінде болған. Бұл нысан бір жарым ай бұрын жатақханаға айналған. Ғимарат Halyk Group-тың еншілес компаниясына тиесілі екені хабарланды.

Компанияның баспасөз қызметі жалға алушының үй-жайды нашар күйде қабылдағанын, содан кейін жөндеу жұмыстарын жүргізіп, тұрғындарды көшіре бастағанын хабарлады.

Halyk Group тергеумен белсенді түрде ынтымақтастық орнатқан. Бұған дейін жатақхананың 1,5 ай жұмыс істегені және оған рұқсаты болмағаны хабарланған болатын.

Сондай-ақ, ҚР Төтенше жағдайлар министрлігінің басшысы Сырым Шәріпхановтың Алматыға ұшқаны белгілі болды.

Еске салсақ, Алматыдағы хостелдердің бірінде өрт шығып, 13 адам қаза тапты. Қайтыс болған 13 адамның төртеуі шетелдік (Ресей Федерациясының екі азаматы, екеуі Өзбекстан азаматы ), қалғаны Қазақстан азаматтары.

«Барлау және өртті сөндіру барысында 13 қаза тапқан адам анықталды, олардың жеке басы анықталуда. Олар көміртегі тотығынан уланып қайтыс болған. Жатақханада 72 адам болған, 59 адам эвакуацияланды», – делінген ТЖД хабарламасында.

Өртті сөндіруге Алматы қаласы Төтенше жағдайлар департаментінің 46 қызметкері мен 13 техникасы жұмылдырылды. Сондай-ақ, жеті жедел жәрдем бригадасы тартылды.

Өрт пен өлімнің себептері анықталуда.

Оралхан ҚОЖАНОВ

 

Серіктес жаңалықтары