Алматы облысында батпаққа батып кеткен көлік ішінен бір отбасының мүшелері – әке, анасы және қызы табылды, деп хабарлайды ulysmedia.kz.
Бұл туралы Инстаграмдағы парақшалардың бірінде жарияланды.
Алдымен 14 қараша күні skoda superb көлігінде болған үш адам жоғалып кеткені туралы ақпарат жарияланды. Отбасы Алматы қаласынан Үштөбеге қаласына жолға шыққан. 19:00-де Талдықорған жеріне өткеннен кейін байланысқа шықпаған.
«Кешеден бері із-түссіз жоғалып кеткен бір отбасының адамдары Үштобе тасжолының бойындағы батпақтың ішінен автокөлікпен бірге табылды. Үш адам мерт болды», - деп жазылған хабарламада.
Алдын ала мәлімет бойынша, 60 жастағы жүргізуші көлік рөліне ие бола алмай қалып, батпаққа батып кеткен. Жол-көлік оқиғасы салдарынан жүргізуші және оның 47 жастағы жұбайы мен 19 жастағы қызы ажал құшты. Сотқа дейінгі тергеу амалдары басталды.
