Қазгидромет Қазақстан бойынша 2021 жылғы 21-23 қыркүйекке арналған ауа-райы болжамын жариялады, деп хабарлайды ulysmedia.kz.
Еліміздің батысында, оңтүстігі мен оңтүстік-шығысының таулы аудандарында жаңбыр жауады. Қазақстанның солтүстігі және шығысында екпінді желмен қатар аздаған жауын-шашын болады.
Ауа температурасының негізгі аясы: батыста түнде 3-17, күндіз 12-28 жылы; солтүстік-батыста түнде 0-7 жылы, 3 градус салқын, ал күндіз 8-23 жылы; солтүстікте түнде 0-5 жылы, 3 градус салқын, ал күндіз 6-11 жылы; орталықта және шығыста түнде 0-5 жылы, 3 градус салқын, ал күндіз 6-16 жылы; оңтүстік пен оңтүстік-шығыста температура түнде 4-15, күндіз 17-28 жылы.
