×
503.05
542.99
5.98
#қаңтар қақтығысы #Украинадағы соғыс #жемқорлық #тағайындау
503.05
542.99
5.98

Талдыкөлдің кебін киді ме: Петропавлда көлдің орнына үй салынбақ

Талдыкөлдің кебін киді ме: Петропавлда көлдің орнына үй салынбақ
Ашық дереккөзден

Петропавлдағы Сенная көліне жақын маңнан жаңа “Береке” ықшамауданы салынады деген жоспарға экологтар қарсы шығып отыр, деп хабарлайды Ulysmedia.kz.

Олар екі жылдан бері жергілікті әкімдікке көлді “көміп” тастап, үй салмауды сұрап келеді. Бұл туралы Петропавл ботаникалық бағының директоры Артур Рязапов мәлімдеді.

Көл – жай ғана су емес, ол табиғаттың тынысы

Экологтың айтуынша, мұндай көлдер мен батпақты жерлер ауадағы лас заттарды тазартып, көмірқышқыл газын сіңіреді. Сонымен қатар, сирек кездесетін құстар мен жануарларға мекен болады. Егер көл жойылса – олардың тіршілігіне қауіп төнеді.

“Бұл жерді құрылысқа бермей, қала ішінде табиғи саябақ ретінде қалдырған дұрыс. Болашақ ұрпақ үшін де қажет”, дейді Рязапов.

Бұл жерде үй салуға болмайды

Петропавл қаласының айналасы бұрын теңіз болғандықтан, жер астында саз бен ылғал көп. Сондықтан көлдің орнын жауып тастаса, су ешқайда ағып кетпейді – жиналып тұра береді.

- Мысалы, бір тостаған суға топырақ салсаң – су аздап төгілуі мүмкін, бірақ бәрі шықпайды ғой. Сол сияқты бұл жерлерде де су кетпейді. Ондай жерде үй салу – дұрыс шешім емес, дейді маман.

Жаңа үйлер сыз тартып жатыр

Көлдің жанына әлеуметтік осал топтарға арналған бірнеше үй салынып қойған. Алайда тұрғындар үйдің астына су жиналып, сыз тартып жатқанына шағымданып жатыр. Мұның себебі – құрылыс көлдің табиғи су ағысын жауып тастаған, ал кейбір үйлердің кәріз жүйесі дұрыс жұмыс істемейді.

Министрлік қолдайды, бірақ нақты шешім жоқ

2024 жылдың тамызында Петропавлға келген экология және табиғи ресурстар вице-министрі Мансұр Ошурбаев бұл мәселеден хабардар. Ол экологтардың не үшін әбігерге салынып жатқанын түсінетінін, бірақ шешімді әкімдік шығаратынын айтты.

- Қала құрылысын әкімдік шешеді. Біздің құзырымызға кірмейді,  деп жауап берген.

Министрлік көлдерді сақтап қалу керек дейді, бірақ қазіргі таңда нақты тыйым да, шешім де жоқ.