Қазақстанның тағы бір әуежайында цифрлық құжатты қолдану мүмкіндігі пайда болды, деп хабарлайды ulysmedia.kz.
«Енді Түркістан әуежайында жеке мәліметтерді растау үшін Egov Mobile қосымшасы арқылы электрондық жеке куәлікті пайдалануға болады. Бұл жұмысты ИИДМ-мен бірге атқарып жатырмыз. Бұл орайда индустрия және инфрақұрылымдық даму министрі Бейбіт Бәкірұлы Атамқұловқа алғыс айтамын. Пилоттық тәртіпте іске қосылған цифрлық құжаттар сервисі қазір бірнеше қалада – Нұр-Сұлтан, Алматы, Ақтөбе, Шымкент пен Түркістанда қолжетімді», - деп жазды цифрлық даму, инновациялар және аэроғарыш өнеркәсібі министрі Бағдат Мусин.
