Бассейннен кейін түшкіріп, тамағымыз жыбырлады деп шағымданған он бір бала алматылық ауруханалардың біріне жатқызылды, деп хабарлайды ulysmedia.kz.
«Жедел жәрдем бригадалары түшкіріп, тамағымыз жыбырлады деп шағымданған балаларды Балаларға шұғыл медициналық көмек көрсету орталығына жеткізді. Олар хауыздағы жаттығулар кезінде хлор буына уланып қалған. Балалардың жасы – 12-14 жас», - деді Алматы қалалық денсаулық сақтау басқармасы.
Ведомство мәліметінше, қазір зардап шеккендердің халі тұрақты. Алмалы ауданының санитар дәрігерлері аталған факт бойынша тергеу жүргізіп жатыр.
