Алматының төтенше жағдайлар департаменті жер сілкінісіне қатысты қосымша ақпарат берді, деп хабарлайды Ulysmedia.kz.
ТОЛЫҒЫРАҚ
Жер сілкінісінің ошағы Қазақстан аумағында, Алматы қаласынан оңтүстік-батысқа қарай 9 км жерде орналасқан.
Жер сілкінісінің энергетикалық класы – 7.2. Магнитудасы MPV – 3.8.
Есептік қарқындылығы (баллмен): сезілмейді.
Алматы қаласының аумағында жер сілкінісі сезілген жоқ. Дегенмен, 101 және 112 нөмірлеріне қоңыраулар түсіп жатыр. Сейсмологтардың датчиктері тіркеп, Mass Alert автоматты түрде іске қосылған.
- Сабыр сақтауларыңызды сұраймыз! Алаңдауға еш негіз жоқ. Сейсмологтардың ақпараты бойынша афтершок болмайды, дейді ТЖД басшысының міндетін атқарушы Дамир Ермағамбетов.
