Бір жыл ішінде Қазақстанда алкогольді ішімдіктер 7% - ға қымбаттады, деп хабарлайды ulysmedia.kz.
Елде алкоголь өнімінің өндірісі арақ - 2021 жылы 25,3%-ға, (27,8 млн литрге дейін), сыра - 4,2%-ға, (722,1 млн литрге дейін), сондай-ақ ликерлер және басқа да ұқсас алкогольді ішімдіктер 25,9% - ға, (2,1 млн литрге дейін) өсті, деп жазды energyprom.kz.
Ал шарап өндірісі бірден 38,2%-ға, 26,8 млн литрге дейін төмендеді. Коньяк өндірісі-11,7%-ға, 9,4 млн литрге дейін.
Биыл қаңтар айында алкоголь өнімінің бағасы өткен жылғы қаңтармен салыстырғанда 7,2% - ға өсті. Атап айтқанда, шарап пен сыра 8%-ға, арақ 6,2% - ға қымбаттады.
Қаңтар айының қорытындысы бойынша жыл сайынғы өсу қарқыны шарап үшін соңғы 4 жылдағы, ал сыра үшін 2 жылдағы ең жоғары бағасы белгіленді.
Қаңтар айының қорытындысы бойынша арақ ең қымбаттаған өңір - Шығыс Қазақстан облысында (14,2%-ға). Ең төмен баға — Атырау облысында (3,4% - ға) байқалды. Бұл ретте Шымкентте - арақ бағасы арзандады(минус 2%).
ҚР қалаларында бір литр арақтың орташа құны 3392 теңгені құрады. Ең жоғары бағалар елордада (4101 тг), Атырауда (4060 тг) және Ақтауда (3864 тг); ең төмен — Көкшетауда (2967 тг), Өскеменде (3031 тг) және Таразда (3053 тг) тіркелді.
Арақ пен ликер-арақ өнімдерінің импорты артып келеді, бірақ нарықтағы импорттаушылар үлесі азайып келеді . Мәселен, сектордағы импорттың үлесі өткен жылы (2021 жылғы қаңтар–қараша) нарықтың барлық көлемінің 19,6%-ын құрады, бір 2020 жылы 21,3% болған.
