Түркістан облысының Түлкібас ауданында атыс болып, салдарынан бір адам көз жұмып, тағы үшеуі жарақат алды, деп хабарлайды Ulysmedia.kz.
ТОЛЫҒЫРАҚ
Жарақат алғандар аудандық ауруханаға жеткізіліп, оларға медициналық көмек көрсетілді. Оқиға орнына аудандық полиция бөлімінің басшылығы мен жедел-тергеу тобы дереу жеткен.
ТЕРГЕУ
Полиция күдіктілерді анықтады: олардың бірі ұсталып, уақытша ұстау изоляторына қамалды. Екіншісі іздестірілуде.
РЕСМИ АҚПАРАТ
Бұл факті бойынша «Адам өлтіру» бабымен қылмыстық іс қозғалды. Түркістан облысы полиция департаментінің басшылығы істің тергелу барысын ерекше бақылауға алған.
