Қарағанды облысындағы Теміртау қаласында 40-қа жуық үй жылусыз қалған, деп хабарлайды Ulysmedia.kz.
ТОЛЫҒЫРАҚ
Бұл туралы ақпарат телеграмда пайда болды. Желідегі ақпаратқа сәйкес Теміртауда апаттық жағдай болған. 40-қа жуық үй мен әлеуметтік нысандар жылусыз қалған.
ҚАЗІРГІ ЖАҒДАЙ
Қала әкімдігінің мәліметінше, төтенше жағдай 8-шағынауданда болған.
Қазіргі уақытта барлық жөндеу жұмыстары аяқталып, жылу трассасы толтырылған, барлық көппәтерлі тұрғын үйде жылу қосылған.
- Технологиялық үдерістерге байланысты үйлер мен пәтерлердің толық жылынуына біршама уақыт қажет болуы мүмкін екенін назарға саламыз. Жылудың болмауы немесе сұрақтар туындаған жағдайда диспетчерлік қызметке хабарласуларыңызды сұраймыз, – дейді әкімдік өкілдері.
