«МАЭК» ЖШС тұрғындардың үш санатына арналған тарифтер жобасын қоғамдық тыңдауда ұсынады, деп хабарлайды Ulysmedia.kz порталы inaktau.kz ақпарат көзіне сілтеме жасап.
Компанияның маркетинг және сату бөлімінің басшысы Бердібек Қартбаев электр стансасы газ бағасының қымбаттауына байланысты жылу мен судың барлық түріне тарифті көтеруге өтініш беріп жатқанын айтты.
«2019-2024 жылдарға арналған тарифтерді бекіту кезінде газ бағасының өсуі ескерілмеді. Өткен жылы жылу мен су өндіруге кеткен шығын 3,9 млрд теңгені құрады», - деп келтірді Бердібек Қартбаев.
MAEK тарифтерінің жобасы төменде көрсетілген:
Тыңдауға қатысқан Маңғыстау облысы қоғамдық кеңесінің мүшесі ең қымбат газды «МАЭК» ЖШС сатып алатынын айтты. Мәселен, көршілес облыстардағы газдың орташа бағасы 7-9 мың теңге болса, «МАЭК» ЖШС Қашаған газын серіктестіктердің бірінен 16 мың теңгеге сатып алады.
«MAEК алдымен өндіріс шығындарын оңтайландыру үшін бар күш-жігерін салуы керек, мысалы, Түркіменстанда тиімді жеткізушілерді іздеуі керек. Содан кейін тарифтерді көтеруді ұсынуы керек. Неліктен көршілес Ақтөбе (мың текше метріне 7271 теңге) мен Атырау облыстары (8385 теңге) жергілікті газды өздері сатып алады. Ал біз ең қымбат – 16167 теңге төлейміз? Біздің отандық газ өндірісі төмендеді, іс жүзінде жоқ. Өнімнің өзіндік құнын төмендетуді келісіп, содан кейін тарифтер туралы айтылуы керек», – дейді Маңғыстау облысы бойынша қоғамдық кеңестің мүшесі Хажеддин Исмаилов.
Тыңдау жалғасып жатыр. Қатысушылар өз пікірлері мен ұсыныстарын ортаға салады.
