×
470.9
496.94
8.83
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
470.9
496.94
8.83

АЭС бойынша халыққа ақпарат жетіп жатқан жоқ – экобелсенді

07.06.2022, 09:20
Фото: Ашық дереккөзден

Экобелсенді Сәкен Ділдахметтің айтуынша, Қазақстанда атом электр стансасын салу бағытында халыққа тиісті ақпарат жетіп жатқан жоқ, деп хабарлайды Ulysmedia.kz.

«Бүгінгі таңда біз ешқайда қаша алмаймыз. Қазақстан 2060 жылға дейін толық көмірсутек бейтараптығына көшетінін президент айтты. Ең басты мақсат – бүгін климатқа тарап жатқан көмірқышқыл газын азайту. Зулфухар мырза айтып кеткендей, көмірмен жұмыс істейтін зауыттардың зардабын азайту, бұдан бөлек бізде балама қуат көздерін қолдану арқылы экологияға келтіріліп жатқан шығынның үлесін азайту болып отыр», - деді Сәкен Ділдахмет Ulysmedia.kz ұйымдастырған подкастта.

Оның айтуынша, екіншіден, жасыл энергия көзі әлемнің 32 елінде 437 атм реакторы бар.

«Қаласақ та, қаламасақ та біз соған келеміз. Неге десеңіз, энергияның болашақта болатын дефициті туындауы мүмкін. Күні ертең климат үшін күрес басталады. Мысалы Қазақстанда трансшекаралық сулардың азаюуы салдарынан су тапшылығы бар. Балқаш ертең Аралдың күйін кшесе, біз АЭС-терді қалай сумен қамтамасыз ете аламыз? Ол да өте үлкен сұрақ. Халықтың өзіне су тапшы болып тұрған кезде АЭС-тер не болмақ? Сонымен бірге АЭС салынған жағдайда ол энергияның дефицитін қаншалықты жаба алады? Сол облысты жаба ма? Оның қуаттылығы қаншалықты болады?» – деп сұрақ қояды ол.

Экобелсенді сонымен бірге Қазақстанда АЭС салу жағынан көп ұсыныс келіп жатқанын естіп отырғанын айтады. Олардың арасында Ресей де бар. Олар қазір  Түркияда 3+ жаңа технологиясымен АЭС салып жатыр.

«Ең бастысы, біз үшін халық қауіпсіз болуы керек. Екіншіден, экологияға тұрақты зардабы келмейтін амалды қарастыру керек. Үшіншіден, радиациялық қалдықтарды сақтайтын орынның жайы не болмақ? Өскеменді ұсынып отыр. Осының бәрін ескере келе жақын уақытта АЭС бізге керек пе, әлде керек емес пе деген сұраққа жауап табу керек. Қазақстан пайдалы қазбаларға өте бай. Біз Ресейден, Өзбекстанмен немесе Қырғызстанмен де келісіп, энергия көздерін солардан алуға болады. Жетпей жатса. Бұл мәселені біржақты шешуге болмайды. Қазір өте жабық ақпараттық кампания басталып кетті. Халыққа тиісті ақпарат жетіп жатқан жоқ. Тоқаев «халық келісім бермесе, АЭС салмаймын» деген. Демек, 5 маусымда өтетін референдумнан кейін АЭС салу бойынша меніңше, халықтың таразысына осы мәселені салу керек», - дейді Сәкен Ділдахмет.