×
460.95
487.18
8.66
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
460.95
487.18
8.66

Қарағанды облысында орман өрті 101 гектар аумақты шарпыды

23.06.2022, 15:04
фото: ашық дереккөзден

Қарағанды облысы Бұқар жырау ауданындағы 101 гектарға жайылған орман өрті cөндірілді, деп хабарлайды Ulysmedia.kz.

ҚР Төтенше жағдайлар министрлігі баспасөз қызметінің мәліметіне сүйенсек, 21 маусымда Бұқар жырау ауданындағы Белағаш орман шаруашылығында өрт шыққан. Тілсіз жау 101,5 гектар аумақты шарпыды.

Өртті сөндіруге Қарағанды облысының ТЖД, ҚР ТЖМ 52859 әскери бөлімінің қызметкерлері, орманшылар және жергілікті атқарушы орган өкілдері жұмылдырылды. Қызыл жалын 22 маусымда сағат 22:13-те өшірілді.

«Бұдан бөлек, Қарқаралы ауданында екі жерден тұтанған дала өртімен күрес жалғасып жатыр. 21 маусымда Егіндібұлақ ауылынан солтүстік-шығысқа қарай 10 шақырым жерде өрттің аумағы шамамен 400 гектарды құрайды. Отты сөндіруге ТЖД құтқарушылары және орманшылар аттанды», - делінген хабарламада.

22 маусымда шыққан екінші өрт 500 гектарды шарпыды. Қызыл жалынды ауыздықтауға 182 адам мен 30 техника жұмылдырылды.

«ТЖМ тікұшақтарымен жанып жатқан учаскелерге су шашу жұмыстары жалғасуда. Тікұшақтар өрт ошақтарына жалпы 42 рет су төкті. Өртті сөндіру таулы-жартасты жерлермен, су қоймаларының алыста болуымен, ауыспалы бағыттағы желдің қатты екпінімен күрделеніп отыр», - делінген ақпаратта.