×
476.71
467.03
8.36
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
476.71
467.03
8.36

ШҚО-да көліктік бақылау инспекциясының 7 қызметкері сотталды

28.06.2022, 14:19
фото: ашық дереккөзден

Шығыс Қазақстан облысында көліктік бақылау инспекциясының 7 қызметкері жүйелі сыбайлас жемқорлық қылмысы үшін сотталды, деп хабарлайды Ulysmedia.kz Антикорға сілтеме жасап.

Ведомство мәліметінше, олар былтыр шілде-қыркүйек аралығында алдын ала сөз байласу арқылы жүк тасымалдаушылардан облыс аумағы бойынша кедергісіз жүріп-тұру және жалпы қамқорлық үшін 10 мыңнан 300 мың теңгеге дейін пара алып тұрған.

Сонымен қатар, талдау барысында инспекторлар тексеру іс-шаралары кезінде бейнетіркеу тәртібін сақтамайтыны анықталды. Олар барлық жағдайда тек көлікті тоқтату және қажетті құжаттарды сұрау процесін ғана тіркеген. Бақылау процедурасының өзі тіркелмеген, ал қолда бар 289 бейнежазбада күндер мен уақыт сәйкес келмейді.

Сыбайлас жемқорлық тәуекелдеріне жүргізілген сыртқы талдау қорытындысы бойынша көліктік бақылау инспекциясына жемқорлыққа итермелейтін жағдайлар мен себептерді жою бойынша ұсыным енгізілді.