Өткен жылдың соңында Қырғызстан ЕАЭО-ның барлық елдері арасында салық түсімдерінің ең үлкен өсімін көрсетті, пайыздық көрсеткіште – 28,6%. Бұл туралы Еуразиялық экономикалық комиссияның (ЕЭК) баяндамасында айтылды, деп хабарлайды Ulysmedia.kz.
2022 жылмен салыстырғанда 2023 жылы жиынтық бюджеттің салық түсімдері Арменияда, Қазақстанда және Қырғызстанда тиісінше 15,5%-ға, 27,4%-ға және 28,6%-ға өсті. Ресейде бюджеттің барлық кірісінің өсімі 11,3%-ды құрады, - делінген ЕЭК хабарламасында.
Есепте Беларусь туралы деректер жоқ. Арменияда салық кірістерінің негізгі үлесі табыс салығы (23%) және ҚҚС (31%), Қазақстанда – табыс салығы (20%) және ҚҚС (23%), Қырғызстанда – ҚҚС (32%), Ресейде – табыс салығы (13%) және ҚҚС (20%) болды. Ел ішінде өндірілетін тауарларға (жұмыстарға, көрсетілетін қызметтерге) ҚҚС кірістерінің үлесі Қазақстан мен Ресейдегі импорттық тауарларға ҚҚС үлесінен асып түсті.
Қырғызстанда 2023 жылы өткен жылмен салыстырғанда табиғи ресурстарды пайдаланғаны (өнгені) үшін салықтар мен төлемдердің 16%-ға өсуі байқалды. Бұл көрсеткіш Арменияда 44 пайызға, Қазақстанда -16 пайызға, Ресейде 12 пайызға төмендеген.
Қаржы министрі Мәди Такиев 2024 жылдың қаңтар-ақпан айларының қорытындысы бойынша республикалық бюджет 396 млрд теңгені алмағанын хабарлады. Кірістер 1,9 трлн теңгені құрады, бұл тек жоспардың 83%-ға орындалуына сәйкес келеді.
