Қаржы министрлігі Ұлтты қордың түсімі мен оның қаражатын пайдаланылуы туралы қазан айының есебін жариялады, деп хабарлайды ulysmedia.kz порталы.
2021 жылдың қазан айының басында Ұлттық қорда 28,2 трлн теңге болған. Қазан айының соңында 27 трлн теңгені көрсетіп тұр. Осылайша, Ұлттық қорда сақталған қаражат бір айда 4,2% азайған.
Ұлттық қор туралы жарияланған есепке сәйкес, Ұлттық қорға бір айда 2,7 трлн түскен. Пайдаланылған қаражат көлемі – 3,8 трлн теңге. Түсімнің көбі мұнай секторындағы ұйымдардың тікелей салықтарынан түскен (1,6 трлн теңге). Ал шығынның ең көбі кепілдендірілген трансфертке байланысты (2,4 трлн теңге) жұмсалған.
