Еліміздегі ең танымал тау-шаңғы курорты саналатын Шымбұлақтың басқаруында Қазақстан бизнес элитасындағы белгілі тұлғалар тұр, деп хабарлайды Ulysmedia.kz.
Forbes тізіміндегі кәсіпкер
Бүгінде «Shymbulak Development» ЖШС-нің құрылтайшылары — «Кэпитал Партнерс Қазақстан» ЖШС мен Владимир Сарыбеков. Бұл компания — Шымбұлақ тау-шаңғы курортын тікелей басқаратын ұйым.
«Кэпитал Партнерс Қазақстан» ЖШС-нің басым үлесі кәсіпкер Сержан Жұмашқа тиесілі.
Жылжымайтын мүлік арқылы табыс табатын Сержан Жұмаш 2024 жылы Forbes Kazakhstan журналының рантье рейтингінде жетінші орын алған. Болжам бойынша, оның жылдық табысы 8,7 миллиард теңге болған.
Салық төлейтін сирек кәсіпкерлердің бірі
Сержан Жұмаш иелік ететін компаниялардың ішінде дәл осы Шымбұлақ пен Медеу мұз айдынын басқаратын ұйымдарға қатысты салыққа қатысты сұрақ аз. Бұл екі компания да тұрақты түрде өсіммен салық төлеп отыр. Бұл бизнес жүйесінің даму үстінде екенін көрсетеді.
Алайда Adata платформасының дерегінше, Сержан Жұмаш 12 түрлі компанияның құрылтайшысы. Олардың көпшілігінің салық тарихы қызық әрі зерттеуге тұрарлық. Бұл мәселемен Ulysmedia тілшілері жеке айналысқан болатын.
Шымбұлақтың танымалдығы
2024 жылы Шымбұлақ тау-шаңғы курортына 1,5 миллион адам келген. Бұл көрсеткішке ішкі және шетелдік туристер де кіреді.
