Атом энергетикасы агенттігінің басшысы Алмасадам Сәтқалиевтің айтуынша, атом электр станциясын салу шамамен 14 миллиард долларға түсуі мүмкін, деп хабарлайды Ulysmedia.kz.
Бұл – осындай деңгейдегі станцияның әлемдік нарықтағы шамамен бағасы. Нақты құны техникалық-экономикалық негіздеме (ТЭН) нәтижесінде анықталады. Алайда қазір бұдан артық ештеңе айта алмаймыз, себебі бұл ақпарат құпиялық туралы келісіммен қорғалған, – деді ол үкімет кулуарында.
Айта кетейік, бұған дейін бүгін Ресейдің “Росатом” компаниясы Қазақстандағы алғашқы АЭС-тің құрылысын жүргізетіні де белгілі болды.
Ал екінші АЭС-ті қытайлық компания салады.
