Астанада 15 қарашадан бастап сауда және ойын-cауық орталықтарына кіруге тек «жасыл» мәртебесі бар, яғни коронавирусқа қарсы екпе алған азаматтарға ғана рұқсат етілетін болды деп хабарлайды Ulysmedia.kz.
Елорданың бас мемлекеттік санитарлық дәрігері Сархат Бейсенова осындай қаулыға қол қойып отыр.
«Нұр-Сұлтан қаласының әкімдігі, Нұр-Сұлтан қаласының кәсіпкерлер палатасы (келісім бойынша), Нұр-Сұлтан қаласының кәсіпкерлік субъектілері: сауда-ойын-сауық орталықтарының жұмысын жұмыс және демалыс күндері қызметкерлер мен келушілердің қауіпсіз «жасыл» мәртебесі болған жағдайда (вакцинация, сынамалар алынған сәттен бастап 7 тәуліктен аспайтын теріс нәтижесі бар тест ПТР, тұрақты медициналық қарсы көрсетілімдері бар адамдар, соңғы 3 ай ішінде ауырып жазылған) штаттық жұмыс кестесін белгілей отырып, күшейтілген санитариялық-эпидемияға қарсы, санитариялық-профилактикалық іс-шараларды сақтай отырып ұйымдастыруды қамтамассыз етсін», делінген құжатта.
«Атамекен» Ұлттық кәсіпкерлер палатасы мұндай шектеуден бизнестің зардап шегетінін ескертті. ҰКП мамандары сауда және ойын-сауық орталықтары келушілер мен сатып алушылардың 25%-ын жоғалтуы мүмкін деп санайды.
