Нұр-Сұлтанда бассейнде жазатайым кісі өліміне қатысты іс бойынша жаттықтырушыға үкім шықты, - деп хабарлайды Ulysmedia.kz.
Нұр-Сұлтан қалалық сотының баспасөз қызметі хабарлағандай, 29 қарашада Сарыарқа ауданының N2 аудандық соты тұтынушылардың өмірі мен денсаулығының қауіпсіздігі талаптарына сай қызмет көрсете алмағаны үшін Т. есімді азамат кінәлі деп танылды (ҚК 306-бабының 3-бөлігі бойынша).
«Т. есімді азамат спорт кешенінде жүзу бойынша жаттықтырушы бола тұра, бассейнге келушілердің қауіпсіздігін қамтамасыз ету бойынша өз міндеттерін тиісінше орындамау салдарынан жәбірленуші Е. есімді азамат суға батып өлген», - делінген хабарламада.
Сот Т.-ның кінәсін және жазасын жеңілдете отырып, 306-баптың 3-бөлігінде көзделген қылмыстық құқық бұзушылық абайсызда жасалған қылмыстарға жататынын атап өтті. Ол үшін санкция 4 жылдан 8 жылға дейінгі мерзімге бас бостандығынан айыру түріндегі жазаны қарастырады.
«Сотталушының жеке басын, жәбірленуші тараптың ұстанымын ескере отырып, сот Т.-ға нақты 4 жыл мерзімге бас бостандығынан айыру жазасын тағайындады», - деді сот.
Бассейн иесінен қайғы шеккен тараптың пайдасына 10 миллион теңге моральдық шығын өндірілді. 2021 жылдың қаңтарында болған қайғылы оқиға кезінде бассейнде тағы төрт адам болған. 21 жастағы марқұм бассейнге бір реттік кіру билетін сатып алған.
