Алматы облысындағы Қаскелең қаласында түрмеден қашып кеткен күдікті әлі табылмаған, деп хабарлайды Ulysmedia.kz.
Бұл туралы ішкі істер министрінің орынбасары Игорь Лепеха айтты.
- Иә, күдікті қашып кетті. Әзірге ұсталған жоқ. Іздеп жатырмыз. Қызметкерлерге қатысты тексеріс жүргізу мақсатында қылмыстық іс қозғалды, дейді Игорь Лепеха.
БҰҒАН ДЕЙІН
Еске салайық, күні кеше Қаскелеңде адам зорлады деген күдікті түрмеден қашып кеткенін хабарлаған едік. Желіде тараған ақпаратқа сәйкес, 1 сәуірде Қаскелеңдегі аудандық сотта 1995 жылы туған күдікті қашып кетті. Ол адам адам зорлады деген күдікке ілінген. Қалада “Сирена” арнайы жоспары енгізілген.
ҚЫЛМЫСТЫҚ ІС
Алматы облысының полиция департаменті бұл дерекке қатысты пікір білдірді. Қазіргі уақытта М. атты күдіктінің тергеу изоляторынан қашып кетуіне байланысты қылмыстық іс қозғалған.
