Желі қолданушысы Жақайым Әлімұлы қазақ ауылдарының қазіргі күйі туралы мәселе көтерді, деп хабарлайды Ulysmedia.kz.
Бұл туралы ол facebook-парақшасында жазды. Ол қазіргі таңда үкімет ауылдардың жағдайына бас қатырып жатқан жоқ дейді.
- Ауылдың қарапайым инфрақұрылымын айтпағанда, медицина, білім, мәдениет, қандай да бір кәсіп түрлері, бау-бақша, жылы жай дамымай, артқа кетіп жатыр. Өкінішке қарай, оған бірнеше себеп бар: ауылда кадр тапшы, жастар ауылға барғысы жоқ. Оның себебі жетерлік – зейнет жасындағы бір дәрігер, мәдениет ошағында қара құлып салынғалы бірнеше жылға кетіп бара жатыр. Мұғалімдер әйтеуір балаларға білім беріп жүргендей. Дегенмен де ауыл мұғалімдерінде тәжірибелерін арттыруға мүмкіндік шектеулі. Оған бір себеп – тағы да сол қарапайым инфрақұрылым интернет, білім базасы, заманауи зертхана сынды қазіргі заманға сай озық техникалық базаның жоқтығы, дейді ол.
Оның сөзінше, сосын үкімет “ренжиді”.
- Сосын үкімет “үлкен мегаполистерге неге жастар келуге әуес, неге сол ауылында өмір сүрмей, қалаға неге жаппай қоныстанып жатыр?” деп ренжиді. Әрине ауылды тастап қалаға үдіре көшудің бірден бір факторы - жоғары көтеріп кеткен мәселенің, 50 пайызы ғана! ҚР президентінің ауылды дамыту бағдарламасы жөніндегі тапсырмасы қайда? Әлде үкімет президент тапсырмасын тек қағаз жүзінде істеп тастады ма?, дейді желі қолданушысы.
