Канадалық турист Қазақстанды толық дамыған ел ретінде көретінін күтпегенін мойындады, деп хабарлайды Ulysmedia.kz.
КҮТПЕГЕН ӘСЕР
Марк Қазақстанға Ванкуверден келген. Оның айтуынша, бұл сапарды ұйымдастыруға сүйіктісі – Оралда туған қазақстандық қыз себеп болған. Қалыңдығы өзінің туған өлкесін көрсеткісі келген. Бұған дейін Қазақстан туралы үшінші әлем елі ретінде естіген Марк елдің шынайы дамуына таңғалғанын жасырмайды.
– Қазақстан мені қатты таңғалдырды, бәрі мен күткендей болды, тіпті асып кетті. Маған: «Үшінші әлем елі» деген еді. Бірақ Қазақстан әлдеқайда дамыған екен. Тамақ өте дәмді болды! Екі күнде 4 келі қосып алдым! Үйлері ұнады – әртүрлі. Ал Канадада жаңа үйлердің бәрі бір-біріне ұқсас. Мұнда үй салу стилі, дизайны ерекше. Канадада ондай жоқ, – дейді Марк.
ЕРЕКШЕЛІКТЕР
Турист Қазақстандағы көлік жүргізу мәдениетіне де назар аударған.
– Мұнда адамдар көлікті қалай болса солай айдайды. Қайда бұрылатынын болжау қиын. Сондай-ақ жеке кеңістік деген түсінік жоқ сияқты. Мысалы, кезекте тұрған кезде адамдар бірден жаныңа келіп тұра салады, – деп түйіндеді Марк.
