Оқу-ағарту министрлігі буллинг үшін әкімшілік жауапкершілік қарастырылғанын мәлімдеді, деп хабарлайды Ulysmedia.kz.
МӘН-ЖАЙ
Мектептер мен колледждерде «ДосболLIKE» атты антибуллингтік бағдарлама енгізілуде. Апталық жеке қауіпсіздік сабақтары қайта жүргізіледі. Буллинг үшін әкімшілік жауапкершілік қарастырылған: айыппұл мөлшері – 10 АЕК; қайталанған жағдайда – 30 АЕК.
– Қоғамдық көліктен балаларды түсіруге тыйым енгізілді. Автобус жүргізушілеріне 16 жасқа толмаған балаларды ересектердің еріп жүруінсіз түсіруге болмайды. Бұзушылық әкімшілік жауапкершілікке әкеп соғады, – делінген хабарламада.
Қамқоршылық және қорғаншылық органдарының штаты күшейтілді — шамамен 3 есе. Норматив бекітілді: 5 мың балаға – 1 маманнан. Бүгінгі күні жүйеде 896 маман жұмыс істейді, олардың саны біртіндеп артып келеді.
