Бұл бір жылдағы көрсеткіш. Бұған қоса осы сектордағы өндіріс бірден 13%-ға төмендеді, деп хабарлайды ulysmedia.kz.
Биылғы қаңтар-тамызда Қазақстанда 100,8 мың тонна макарон, кеспе, кускус пен басқа ұқсас ұн өнімдері өндірілді. Бұл бір жыл бұрынғыдан 13,3%-ға аз, дейді energyprom.kz.
Аталған секторда өндіріс көлемі бойынша өңірлер арасында Шымкент көш бастап тұр. Осы мегаполисте бір жылда 17,8 мың тонна өнім өндірілген, минус 16,3%. Сондай-ақ көшбасшылар үштігіне елорда (16,7 мың тонна, минус 19,2%) мен Батыс Қазақстан облысы (15,1 мың тонна, минус 1,3%) кірді.
Жалпы, 2020 жылы елімізде 179,3 мың тонна макарон өнімдері өндірілді. Бұл бір жыл бұрынғыдан 6,2%-ға көп.
Сонымен қатар макарон өнімдері бір жылда 11,1%-ға қымбаттады. Ең көп бағасы өскен аймақтар: Атырау (22%), Қызылорда (18,4%) және Қарағанды (17,5%) облыстары.
Кеспе бағасы 12,4%-ға, спагетти 11,5%-ға, вермишель 10,9%-ға, рожки 10,7%-ға өсті.
Қыркүйекте базарлар мен дүкендерде кеспенің бір келісін 782 теңгеге, вермишельдің бір келісін 374 теңгеге, рожкидің бір келісін 361 теңгеге сатып алуға болатын.
