×
460.95
487.18
8.66
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
460.95
487.18
8.66

Қазақстанда тұрғын үй саудасы күрт азайды

10.06.2022, 14:37
фото: ашық дереккөзден

Елімізде тұрғын үйді сату-сатып алу мәмілелерінің саны 41,9%-ға кеміді, деп хабарлайды Ulysmedia.kz ұлттық статистика бюросына сілтеме жасап.

«2022 жылғы мамырда тұрғын үйді сату-сатып алу бойынша 30 500 мәміле тіркелді. Сәуірмен (52 520) салыстырғанда көрсеткіш 41,9%-ға азайды. Сатып алу белсенділігі Алматы қаласы мен Қарағанды облысында жоғары, сәйкесінше 4 395 пен 4 055 шарт. Мәміле саны ең аз болған өңір – Солтүстік Қазақстан облысы (630). Қазақстандықтар көппәтерлі үйлердегі баспананы көбірек алады, мамырда барлығы – 21 078 мәміле болды. Көппәтерлі үйлерде екі бөлмелі пәтерлер жоғары сұранысқа ие. Мамырда 8 мың екі бөлмелі пәтер рәсімделсе, бір бөлмелі одан 1 мыңға аз. Жеке үйлер бойынша 9 422 мәміле рәсімделді. Жеке үйлерді Алматы және Түркістан облыстарының тұрғындары көбірек алған», – делінген бюро хабарламасында.

2022 жылғы мамырда тұрғын үйді сату-сатып алу мәмілелерінің саны өткен жылғы тиісті аймен салыстырғанда 36,9%-ға кеміген. Тұрғын үй нарығындағы мәмілелердің өткен жылғы мамырмен салыстырғандағы ең көп төмендеуі Маңғыстау облысында тіркелді – минус 64,6%.