×
470.9
496.94
8.83
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
470.9
496.94
8.83

Алматыдағы университеттердің бірі 1 дана кітапты 117 млн теңгеге сатып алмақ болған

14.06.2022, 13:11
фото: ашық дереккөзден

Алматыдағы жоғары оқу орындарының бірінде бір дана кітапты 117 миллион теңгеге сатып алу жоспарланған. Қалалық Сыбайлас жемқорлыққа қарсы қызмет мемлекеттік сатып алу жүйесіне жүргізілген мониторинг барысында кітап сатып алу барысындағы қымбатшылық фактісін анықтады, деп хабарлайды Ulysmedia.kz.

«Мониторинг барысында сипаттамаларда тауардың атауы, сондай-ақ жоғарыда аталған кітаптың авторы көрсетілмегені анықталды», –  делінген ведомство хабарламасында.

 

Тендер өткізілмейтін болды. Мекемеде атап өтілгендей, мемлекеттік сатып алу порталында жылдық жоспарды орналастыру кезінде техникалық қателік жіберіліп, онда жоспарланған жұмыс бойынша бір кітап емес, бір лот көрсетілген.

Айта кету керек, Алматы қаласы бойынша Сыбайлас жемқорлыққа қарсы қызмет 2021 жылға арналған мониторинг бойынша 13 миллиард теңгеден астам бюджет қаражатының тиімсіз жұмсалуына тосқауыл қойған.