×
477.37
460.38
8.27
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
477.37
460.38
8.27

ШҚО-да мектеп-интернат директоры жетім балаларға бөлінген 12 млн теңгені жымқырған

28.07.2022, 10:15
фото: ашық дереккөзден

ШҚО-да жетім балаларға арналған мектеп-интернат директоры А.Базарханова бюджеттің 12 млн теңгесін жымқырған. Бұл туралы Қаржылық мониторинг агенттігі мәлім етті, деп хабарлайды Ulysmedia.kz.

Тергеу барысында А.Базарханованың 2013-2019 жылдар аралығында емдік дене шынықтыруға бөлінген қаражатты ұрлағаны, яғни мектеп директорының сабақ өткізбестен, оқу сағаттарын жүргізгені үшін ақы алып отырғаны анықталды. Салдарынан балалар білікті ем алу құқығынан айрылған.

Бұдан басқа, А.Базарханова интернат қызметкерлеріне қосымша жұмыс істегені үшін ақы аударып отырған, ал олар ақшаны шоттан алып, Базархановаға қайтарып беріп отырған. Шын мәнінде қызметкерлер қосымша жұмыс атқармаған.

Сонымен қатар, А.Базарханова танысына қарызын қайтару мақсатында оның жұбайын жұмысқа алады. Осылайша, қарызын қайтару мақсатында жалған жұмысқа орналасушыға 729 мың теңге еңбекақы төлеп, бюджет қаражатын талан таражға салған. 

Шығыс Қазақстан облыстық сотының қылмыстық істер бойынша сот алқасы өз кінәсін мойындап, шығынды толық қайтарғанын, жасөспірім баласының бар екенін ескере отырып, А.Базархановаға 4 жыл бас бостандығынан айыру жазасын тағайындады.