×
469.17
495.07
7.56
#қаңтар қақтығысы #Ресей-Украина соғысы #әкімге үш сұрақ #лот ашар #кибербуллинг #жаңа облыстар #коронавирус #hi-tech
469.17
495.07
7.56

3 жылда – 385 млрд теңге: Үкіметтің есебіндегі "көркейген" ауылдар шындығында неге сүреңсіз?

24.11.2022, 17:07
көрнекі фото, ашық дереккөзден

Бүгін Сенаттың жалпы отырысында Үкімет басшысының бірінші орынбасары Роман Скляр еліміздің ауылдарын дамытуға қанша қаржы бөлінгенін жария етті, деп хабарлайды Ulysmedia.kz.

«Елімізде 6293 ауыл бар және бұл елді мекендерде 8 млн-ға жуық адам тұрады. Бұл өз кезегінде халқымыздың 41 пайызына тең. 2019 жылдан бастап «Ауыл – Ел бесігі» жобасы жүзеге асырылып жатыр. Оның мақсаты – әлеуеті бар 3,5 мың ауылда инфрақұрылымды дамыту. 2019-2021 жылдары бұл жобаға 200 млрд теңге бөлінді. Осы қаражат есебінен 665 ауылда тиісті инфрақұрылым жасалды», - деді бірінші вице-премьер.

Склярдың сөзінше, ауылдың жағдайын жақсартуға жеке инвесторлар да үлес қосып жатыр. 2019 жылдан бастап олар 57 млрд теңге қаражат салып, 2 мыңға жуық жобаны іске асырды. Биыл «Ауыл – Ел бесігі» жобасына 128 млрд теңге бөлінді. Бұл қаражат 576 ауылға бағытталып отыр. 2023 жылы 140 млрд теңге бөлініп, 663 ауыл қамтылмақ.

«Ауыл халқының ең басты проблемасы - жұмыспен қамту. Бұл бағытта не істеп жатырмыз? «Бастау-Бизнес» жобасы бойынша 66 мың адамды кәсіпкерлікке үйреттік, өз кәсібін ашу үшін 10 мың ауыл тұрғыны 50 млрд микрокредит алды, яғни 6 пайызбен 7 жылға дейін. Жақында Жамбыл облысында бір пилоттық жобаны іске асырдық. Ол бойынша әлеуметтік кәсіпкерлік палата арқылы ауыл тұрғындарының кәсібіне 2,5 пайыздық несие берілді. Пилоттың жоба жақсы нәтиже берді. Сондықтан келесі жылы оны барлық өңірге таратамыз. Оған 52 миллиард теңгеден астам бөлінеді. Соның есебінен 11 мың жұмыс орны ашылады деп жоспарлап отырмыз», - деді Үкімет басшысының бірінші орынбасары.

Ауылдарды көркейтуге қыруар қаржы бөлініп жатқанымен, елдегі ауыл тұрғындарының тұрмыс-тіршілігінде түйіні тарқатылмаған түйткіл әлі де көп. Министрлердің қағазындағы деректер шындықтан көбіне алшақ. Мәселен, мамандардың дерегінше, Қазақстан ауылдарындағы үй шаруашылықтарының тек 43%-ы желілік газбен қамтамасыз етілген. Орталық кәріз жүйесіне ауыл шаруашылықтарының 6,3%-ы ғана қосылған.

Ыстық сумен жабдықтау көрсеткіштері де көңіл көншітпейді. Ауылдарда орталық ыстық сумен жабдықтау жүйесі іс жүзінде жоқ. Бұдан бөлек жеке су жылытқыштар арқылы ыстық сумен жабдықтау жүйесі үй шаруашылықтарының 62,5%-ында ғана бар. 

Ауылдарда қоқысты жинау, шығару көрсеткіштері де өте төмен. Мұндай қызмет түрімен үй шаруашылықтарының тек 49,1%-ы қамтамасыз етілген.