Ресейлік BCS брокері клиенттерге 2021 жылы шығарылған Telegram облигацияларын қайталама нарықта сатып алуды ұсынды. Бұл туралы Ulysmedia.kz РБК-ға сілтеме жасап хабарлайды.
Мәлім болғандай, облигацияларды сатып алушылар 2025 жылдың екінші немесе үшінші тоқсанына жоспарланған Telegram IPO (алғашқы жария орналастыру) кезінде өздерінің номиналды құнын акцияларға айырбастай алады. Айырбастау жеңілдікпен жүзеге асырылады: IPO 2024 жылдың наурызына дейін болса 10% жеңілдік, IPO 2025 жылдың наурызына дейін болса 15% және IPO 2026 жылдың наурызына дейін болса 20% жеңілдік қарастырылған. Егер акциялар орналастырылмаса, инвесторларға облигацияларды 2026 жылы өтеуге уәде берілген.
Бұл ретте мамандар клиенттерге арналған ұсыныс шарттарына назар аударды. Атап айтқанда, есеп айырысу келісімшартын жасау кезінде базалық актив (яғни, 7 пайыздық купоны бар Telegram облигациялары) сатып алынбаған.
«Егер BCS негізгі активті сатып ала алмаса, клиенттерге жылдық 3% кірістілікпен ақша қайтарылады», - дейді басылым.
2021 жылдың наурыз айында Telegram Group алғаш рет өз облигацияларын орналастырып, $1 млрд тартты. Облигациялар 2026 жылға дейін жылдық 7%-бен орналастырылды. Егер Telegram 2026 жылға дейін сатылса, облигация ұстаушылар оларды 10% жеңілдікпен акцияға айырбастай алады деген пікір айтылды.
2021 жылы Telegram 2023 жылы көпшілікке шығатыны және оның құны 30-50 миллиард долларды құрайды деп хабарланды.
