«Бұқтырма-Заводинка» теміржолының учаскесінде жүк пойызының вагондары рельстен шығып кетті, деп хабарлайды Ulysmedia.kz.
Altaynews.kz-тің жазуынша, 12 вагонның дөңгелек жұптары рельстен шығып кеткен, бірақ аударылмаған.
Қаза болғандар мен зардап шеккендер жоқ екені хабарланды.
“Жағдайды Алтай ауданы мен Шығыс Қазақстан облысының билігі бақылауға алып, шұғыл әрекет ету қызметтері дереу жұмылдырылды. Оқиғаның егжей-тегжейі анықталып жатыр. Жүк құрамы кен және көмір тасымалдаған”, – делінген хабарламада.
Айта кетейік, бұдан бұрын Жамбыл облысында жүк пойызының вагондары рельстен шығып кетіп, салдарынан жолаушылар пойызы кестеден кешіккен.
