×
449.58
486.94
4.86
#қаңтар қақтығысы #сайлау #Украинадағы соғыс #Палестина #жемқорлық #тағайындау
449.58
486.94
4.86

Мұнай ұңғымалары 2,5 млн адам ішетін ауыз су көзін ластап отыр – сенатор

26.10.2023, 11:58
Фото: Ашық дереккөзден

Еліміздің батыс өңірін толығымен ауыз сумен қамтамасыз ете алатын Көкжиде кен орнындағы жер асты суын мұнай өнімдері ластаған. Сенатор Бауыржан Қаниев Үкімет басшысының атына жолдаған депутаттық сауалында осы мәселе туралы айтты, деп хабарлайды Ulysmedia.kz.

Сенатор кен орны республикалық маңызы бар мемлекеттік табиғи-қорық қоры объектілерінің тізбесіне енгізілгенін атап өтеді.

«2009-2019 жылдар аралығында осы ерекше жер асты суын сақтау мақсатында Ақтөбе облысы әкімдігінің тапсырысы бойынша «Көкжиде» құмы объектісіндегі 38 ұңғымаға мемлекеттік экологиялық зерттеу жүргізілді. Зерттеу нәтижесі бойынша жыл сайын жер асты суын мұнай өнімдері ластағаны тіркелді. Ал 2020 жылы Көкжидедегі жер асты суындағы мұнай өнімдерінің рұқсат етілген шекті құрамы 6 есеге көбейіп кеткені анықталды», - деп атап өтті сенатор.

Депутат 2,5 миллионға жуық адам пайдалана алатын су көзін сақтау аса маңызды екенін айтады. Сенатор осы жағдайға байланысты шұғыл түрде жүзеге асуы тиіс бірқатар шараларды ұсынады.

«Көкжиде жер асты суының аумағындағы мұнай өндіруші барлық кәсіпорындардың жер асты суын пайдалануға рұқсаттарын тексеру керек. Аталған аумақта 2025 жылға дейін мұнай және газ ұңғымаларын кезең-кезеңімен жою жөніндегі шаралар жоспарын қысқа мерзімде әзірлеу және бекіту маңызды. Жоспардың уақтылы және сапалы орындалуын бақылау қажет», - деді депутат.

Серіктес жаңалықтары