Бас прокурордың орынбасары Әсет Шындалиев Аягөз қаласындағы төрт баланың өліміне себепші болған өртке қатысты тергеу басталғанын мәлімдеді, деп хабарлайды Ulysmedia.kz.
«Тергеу амалдары басталды. Өрттің себебі анықталады. Қазір сіздерге өрттің неден шыққанын айта алмаймын», - деп жауап берді ол Сенаттың кулуарында.
Еске сала кетейік, 25 қазанда таңертең Абай облысы Аягөз қаласында жеке үйлердің бірінен өрт шығып, 4 баланың мәйіті табылды. Өрт сөндірушілер оқиға орнына келгеннен кейін 20 шаршы метр көлемінде бөлмелердің бірі өртенгенін анықтаған.
