×
448.15
483.46
4.86
#қаңтар қақтығысы #сайлау #Украинадағы соғыс #Палестина #жемқорлық #тағайындау
448.15
483.46
4.86

Moody’s халықаралық агенттігі Қазақстанның рейтингін жақсартты

27.10.2023, 16:05
Коллаж: Ulysmedia.kz

Moody's халықаралық рейтингтік агенттігі Қазақстанның дербес несиелік рейтингін «Baa2» деңгейінде растай отырып, рейтинг болжамын «Тұрақты» деңгейден «Позитивтіге» дейін жақсартты, деп хабарлайды Ulysmedia.kz.

Үкіметтің хабарлауынша, агенттіктің болжамды жақсартуы ел экономикасын әртараптандыру, инвестициялар тарту және кәсіпкерлікті қолдауға бағытталып жүргізіліп жатқан реформаларды жоғары бағалағанын білдіреді.

Сарапшылардың пікірінше, экономикалық күйзелістерге төзімділіктің артуы Қазақстанның экономикалық дамуының тұрақтанғанын және перспективаларының жақсарғанын көрсетеді.

“Рейтингті растау орнықты мемлекеттік баланспен, төмен борыштық жүктемеге және шетел валютасындағы елеулі резервтерге негізделген. Агенттіктің мәліметінше, шикізаттық емес секторларға инвестицияның айтарлықтай артуы қазіргі сыртқы ортада экономиканы әртараптандыруға серпіннің артып келе жатқанын көрсетеді”, – делінген хабарламада.

Сонымен қатар, Moody's Қытай мен ЕО арасындағы баламалы сауда жолы ретінде маңыздылығы артып келе жатқан Транскаспий халықаралық көлік бағыты аясында Қазақстан үшін көлік-логистикалық хаб ретінде жаңа мүмкіндіктер туындап отырғанын атап көрсеткен.

Жалпы, Moody's сарапшылары Қазақстан үшін қолайлы экономикалық перспективаларды болжап отыр.
 

Серіктес жаңалықтары