Сыбайлас жемқорлыққа қарсы қызмет Атыраудағы №4 қалалық емхана директорының қамауға алынғанын мәлімдеді, деп хабарлайды Ulysmedia.kz.
Ол аса ірі көлемде бюджет қаражатын жымқырды деген күдікке ілінді.
Сот күдіктіні қамауға алу туралы шешім шығарды. Сотқа дейінгі тергеу жалғасуда.
Басқа ақпарат жариялауға жатпайды.
Бұған дейін Ақтаудағы кәмелетке толмағандарды бейімдеу орталығының басшылығына қатысты қылмыстық іс қозғалып жатқаны хабарланған болатын.
Орталықтың бұрынғы директоры арнайы комиссияның шешімімен қызметінен босатылып, құқық қорғау органдарының бақылауына алынды.
