×
448.15
483.46
4.86
#қаңтар қақтығысы #сайлау #Украинадағы соғыс #Палестина #жемқорлық #тағайындау
448.15
483.46
4.86

«Костенко» шахтасында қаза болған соңғы кеншінің денесі табылды

30.10.2023, 10:24
фото: ашық дереккөзден

Қарағанды ​​облысындағы Костенко шахтасында қаза тапқан соңғы кеншінің денесі табылды, деп хабарлайды Ulysmedia.kz.

Бұл туралы жергілікті БАҚ-қа марқұм кеншінің туыстары мәлім етті. Алайда ресми органдар мәліметті әлі растаған жоқ.

Бұған дейін құтқарушылар Костенко шахтасында қаза тапқан 45 кеншінің денесін тапқан болатын. Жұмыс бір-бірінен шамамен алты шақырым қашықтықта орналасқан екі тау-кен учаскесінің аймағында жүргізілді.

Еске салайық, 28 қазанға қараған түні күні «АрселорМиттал Теміртау» кенішінде жарылыс болды.  Жарылыс кезінде шахтада 252 адам болған, 206 кенші жер бетіне шықты, қалғандары жер астында қалып қойды.

Қазақстан президенті Тоқаев «АрселорМиттал Теміртаумен» ынтымақтастықты тоқтатуды бұйырды.

Қайғылы оқиға бойынша сотқа дейінгі тергеу басталды.

Сондай-ақ, үкіметтің «АрселорМиттал Теміртау» АҚ акционерлерімен алдын ала келісімге келгені және кәсіпорынды Қазақстанның пайдасына меншік құқығына беру жөніндегі мәміленің аяқталып жатқаны хабарланды.

Әлихан Смайылов Костенко шахтасындағы апаттың себептерін анықтау жөніндегі үкіметтік комиссияны басқарды.

Қарағанды ​​облысына барып, марқұм кеншілердің туыстарымен кездескен Тоқаев 29 қазанды жалпыұлттық аза тұту күні деп жариялады.

Сонымен қатар, президент «АрселорМиттал Теміртау» біздің тарихымыздағы ең нашар компания екенін атап өтті.

Серіктес жаңалықтары