Кәсіпорында қазандықтарды күрделі және орташа жөндеу кестесі бұзылған, деп хабарлайды Ulysmedia.kz.
Энергетика министрлігінің энергетикалық қадағалау департаменті 2023-2024 күзгі-қысқы кезеңде энергия кәсіпорындарының жұмысқа дайындығы паспорттарын беру аяқталғанын мәлімдеді.
"Бүгінде "АрселорМиттал Теміртау" АҚ ЖЭО-2-ге дайындық паспортын беруден бас тартылды. Қазандықтарды күрделі және орташа жөндеу кестесі бұзылған.
Сонымен қатар, №1 қазандықта кеңейтілген-ағымдағы жөндеу жұмыстарының сметасында тот баспайтын болаттан жасалған таза газдар қорабын орнату қарастырылған. Бұл ретте "АрселорМиттал Теміртау" АҚ ЖЭО-2 "қара" металды пайдалану туралы шешім қабылданды, сондай-ақ сметада жаңа құйындылар мен бұрағыштарды (эмульгаторлардың негізгі элементі) орнату көзделген.
"АрселорМиттал Теміртау" АҚ ЖЭО-2 16 жылдан астам жұмыс істеп тұрған және көрінетін ақаулары бар қолданыстағы қондырғыларды пайдалану туралы шешім қабылдады", - делінген хабарламада.
Сондай-ақ, сметада №5 қазандықты жөндеу және коллекторларды толығымен ауыстыру қарастырылған. Алайда, кәсіпорын басшылығы мұны орындамаған, тек тазалау және жөндеумен шектелген.
"Қазандықтан түтін құбырына дейін газ құбырын жылу оқшаулау бойынша жұмыстар аяқталған жоқ, сондай-ақ қазандық цехының шатырын жөндеу жұмыстары бітпеген. Ағымдағы күзгі-қысқы кезеңде "АМТ" тарапынан статор орамасын ауыстыру үшін өнім берушімен шарт жасасу рәсімдерінің ұзақтығына байланысты №3 турбогенератордың (резервсіз) жұмысқа енгізілмеу қаупі жоғары, – деп мәлім етті ведомство.
Нәтижесінде кәсіпорынға 1 млн теңге айыппұл салу туралы шешім қабылданды, жылыту маусымының барысы ерекше бақылауға алынды.
Айта кетейік, бұдан бұрын Жезқазған ЖЭО-дағы жөндеу жұмыстары желтоқсанға дейін созылатыны хабарланған.
