Құрылыс материалдарының қымбаттауына байланысты Атырау облысы Есбол ауылындағы мектеп құрылысының аяқталу мерзімі бірнеше рет кейінге шегерілуіне тура келді, деп хабарлайды Ulysmedia.kz.
Нысанның құнын тағы бір қарап шыққаннан кейін мердігерлерге бюджеттен жаңа транш бөлінді.
Олар мектепті келесі оқу жылына дейін аяқтаймыз деп уәде берді, бірақ әзірге балалар 1937 жылғы ғимаратта оқуын жалғастыруы керек. Ол пайдалануға жарамды болғанымен, оған барлық оқушылар сыймайды - балалар үш бөлек ғимаратта оқиды. Осы себепті 320 орындық ғимараттың құрылысы 2 жыл бұрын басталған.
Жоба бойынша жаңа мектеп оқу кабинеттерімен, шеберханалармен, зертханалармен, асханамен және спорт залымен жабдықталады. Аулада волейбол, баскетбол алаңдары салынып, жылыжай тұрғызылады. Қазір құрылыстың шамамен 60 пайызы аяқталды.
«105 ауыл баласы кезекте тұр. Мектеп құрылысы аяқталғаннан кейін балабақша ескі ғимаратқа көшеді, қазір мұнда 25 бала тәрбиеленуде. Кеңейтілгеннен кейін барлық мұқтаж балаларды мектепке дейінгі тәрбиемен қамтуға болады», - деді Есбол ауылдық округінің әкімі Асхат Тілекқабылов.
Облыс тұрғындарының жыл санап артып келе жатқаны атап өтілді. Облыстағы 11 мектепте балалар үш ауысымда білім алуда. Мәселені шешу үшін билік 2025 жылға дейін 20-дан астам білім ошағын салуға уәде беріп отыр, оның үшеуі Индер ауданында.
