17 қараша күні сағат 21:15-те Екібастұз полициясына баланың жоғалғаны туралы хабарлама түсті, деп жазады Ulysmedia.kz.
Анықталғандай, сағат 16:00 шамасында 39 жастағы келіншек үш баласымен ауылдан 15 шақырым жердегі шаруа қожалығында орналасқан күйеуіне демалысқа шығуға дайындалған. Милананың қызы барудан бас тартып, үйден шығып кеткен. Кейін ауыл тұрғындары қызды ауылдан бір жарым шақырым жерде көріп қалған.
Полицияға хабарланды, баланың жоғалғаны туралы ақпарат жергілікті чаттар арқылы таратылды, іздеуге Vita еріктілері мен мүдделі азаматтар қосылды.
Хабар-ошарсыз кеткен 2015 жылы туған Милана Давыдова Қоянды ауылдық округіне қарасты Бесқауға ауылындағы мектептің 3-сынып оқушысы. Бойы 128-130 см, арық денелі, қоңыр көзді, аққұба шашты. Ол сары немесе қара күртеше, ашық жасыл колготка, сұр күртеше және қара етік киген.
Оның орналасқан жері туралы қандай да бір ақпарат болса, 102 нөміріне хабарласуды сұрайды. Сондай-ақ WhatsApp 8-747-615-55-63 (Катерина) нөміріне жазуға болады. Іздеуге көмектесемін деушілер 8-705-722-45-83 (Мика) нөміріне хабарласа алады.
