Мәдениет және ақпарат министрі Аида Балаева журналистің қымбат киімі мен жалақысы туралы сұрағына жауап берді, деп хабарлайды Ulysmedia.kz.
– Бір сұрақты қоя берген эксклюзив емес шығар. Менің жалақым 1 млн 300 мың теңге, қолыма соның азырағын аламын. Миллиардтаған бюджет, ведомстволық бағынысты ұйымдардың бәрін алғанда, жауапкершілік тұрғысында бұл барабар сома деп санаймын, - деді ол ОКҚ алаңында.
Министр өзінің қымбат киімдері туралы сұраққа да жауап берді.
– Менің Gucci костюмім жайлы айтар болсақ, суреттерімді қараңыз, Мен бұл костюмді бес жыл бойы кидім. Бір рет сатып алып, бес жыл кию, менің ойымша, бұл қылмыс емес, - дейді Балаева.
