Израиль армиясы соғыс қимылдарын қайта бастайтынын хабарлады, деп жазады Ulysmedia.kz.
ЦАХАЛ әлеуметтік желідегі хабарламасында ХАМАС бітім шартын бұзды деп айыптап, Газа секторындағы әскери қимылдардың қайта басталатынын ресми мәлімдеді.
«Израиль қорғаныс күштері ХАМАС лаңкестік ұйымына қарсы соғыс қимылдарын қайта бастады», - делінген хабарламада.
Еске сала кетейік, Газада атысты тоқтату келісімі 24 қараша күні таңертең күшіне енді. Сейсенбі күні ХАМАС пен Израиль кепілге алынғандардың бесінші тобымен алмасты. Кеше Израиль барлық әйелдер мен балалар босатылған соң атысты тоқтатуды ұзартатыны хабарланды.
