Пышақпен қаруланған ер азамат 143 мың теңге алып кеткен, деп хабарлайды Ulysmedia.kz.
Оқиға 3 желтоқсанда орын алған. Букмекерлік кеңсенің қызметкері полицияға телефон соғып, шабуыл туралы хабарлаған.
«Тексеру барысында сағат 08:55 шамасында бетперде киген, шамамен 20-25 жастағы ер адам ұйым қызметкерін асхана пышағымен қорқытып, 143 мың теңгесін алып, оқиға орнынан бой тасалағаны анықталды», – делінген хабарламада.
Күдікті ұсталды. Бұл – 25 жастағы қала тұрғыны. Қазір ол уақытша ұстау изоляторына қамалған. Баптың 2-бөлігі бойынша қылмыстық іс қозғалды. ҚР Қылмыстық кодексінің 192 бабы бойынша тергеу басталған.
