Қазақстанның сыртқы саудасында ЕО үлесі шамамен 30 пайызды құрайды, деп хабарлайды Ulysmedia.kz.
Астанада "Қазақстан-Еуроодақ" диалогтық платформасының 13-ші отырысы өтті. Үкімет басшысы Әлихан Смайылов ЕО Қазақстанның ең ірі сауда және инвестициялық серіктесі болып табылатынын атап өтті.
Еуропалық инвестициялардың жалпы көлемі 1 175 млрд-тан асқан. Атап айтқанда, 6 айда ЕО елдері Қазақстан экономикасына 5 5,2 млрд инвестиция құйыпты.
"Қазақстанның сыртқы саудасында ЕО үлесі шамамен 30% құрайды. 10 айда біздің тауар айналымымыз 3 34 млрд-тан асты. Бұл көрсеткіштер сауда-экономикалық ынтымақтастықты арттыруға бағытталған дәйекті бағытымызды көрсетеді", - деді Смайылов.
Қазақстанда 3 мыңнан астам еуропалық компаниялар жұмыс істейді. Олардың ішінде Shell, Eni, Air Liquide, Alstom және Claas сияқты ірі трансұлттық корпорациялар бар.
"Биыл инвестициялық өзара іс-қимылды дамытуда өте жемісті болды. Жаңа ірі жобалар толықтырылуда. Svevind компаниясының жасыл сутегі өндіру жобасын іске асыруы, Total компаниясымен қуаты 1 ГВт жел паркін салу туралы келісім жасасуы, Knauf компаниясының 4-ші гипсокартон зауытын ашу жоспары, сондай-ақ Scania компаниясының көліктерді ірі торапты құрастыруды іске қосуы жарқын мысалдар болып табылады", - деді Смайылов.
Премьер-Министр Қазақстан сапалы және ұзақ мерзімді инвестициялар ағыны үшін неғұрлым қолайлы жағдайлар жасауға ұмтылатынын айтты.
Мысалы, Қазақстанда ESG стандарттарын ескере отырып, 2026 жылға дейінгі Инвестициялық саясат тұжырымдамасы қабылданды. Жобаларды сапалы инфрақұрылыммен қамтамасыз ету үшін 2029 жылға дейінгі ұлттық инфрақұрылым жоспары әзірленуде. Жаңа Салық кодексі шеңберінде әкімшілендірудің сервистік моделі енгізілмек.
