×
450.61
488.91
4.97
#қаңтар қақтығысы #сайлау #Украинадағы соғыс #Палестина #жемқорлық #тағайындау
450.61
488.91
4.97

Матч кезінде футболшының жүрегі тоқтап қалды

17.12.2023, 12:22
championat.com

Кеше ағылшын премьер-лигасының 17-туры аясындағы Борнмут пен Лутон Таун арасындағы матч уақытынан бұрын тоқтатылды. Кездесудің 62-ші минуытында Лутон Таун командасының капитаны Том Локьер алаңда есінен танып қалды, деп хабарлайды Ulysmedia.kz.

Сол сәтке дейін таблода 1:1 есебі тіркелген болатын. Оқыс оқиғадан кейін ойын тоқтатылып, футболшылар алаңнан кетті. 

Ресми сайтта "Лутон" Том Локьердің денсаулығына қатысты мәлімдеме жасап, футболшы ауруханаға ауыстырылғанын айтты. Сондай-ақ футболшының жағдайы тұрақты екенін, қазіргі уақытта тексеріліп жатқанын және отбасымен бірге екенін атап өтті.

"Біздің медициналық қызметкерлер команда капитанының алаңда жүрегі тоқтағанын растады. Бірақ оны зембілмен алып кеткен кезде есін жиды. Ол стадионда  ем қабылдады. Ол үшін біз екі команданың да медицина қызметкерлеріне алғыс айтамыз", - деді клуб мәлімдемесінде.

Tengri Sport-тың мәліметінше, Локьерде мұндай оқиға бұған дейін де болған. Уэльс құрамасының ойыншысы 2023 жылдың мамырында чемпионшиптің плей-офф кезеңіндегі Ковентри Ситиге қарсы матч кезінде есінен танып қалды. Стадионнан бірден ауруханаға жіберілген. Содан кейін оған жүрекше фибрилляциясы диагнозы қойылды. Алайда ота сәтті жасалып ол футбол мансабын жалғастыра алған болатын.

Серіктес жаңалықтары