"НеМолчи.kz" қорының басшысы Дина Таңсәріге (Смайылова) 27 желтоқсанда іздеу жарияланды, деп хабарлайды Ulysmedia.kz.
Құқықтық статистика және арнайы есепке алу органдарының порталындағы мәліметтерге сәйкес, іздеуге бастамашы – Қазақстанның ішкі істер министрлігі.
Іздеуші орган – Өскемен қаласының полиция басқармасы.
Желтоқсан айының басында Шығыс Қазақстан облысының полиция департаменті қор басшысына қарсы қылмыстық іс қозғағаны хабарланған. Ол "екі және одан да көп адамға қатысты алаяқтық жасады" (ҚР ҚК 190-бабының 3-бөлігі) деген күдікке ілінген. Оның ұйымының банк шоттары бұғатталған. Бұл жағдайда Дина Таңсәріні не үшін жауапқа тартуға тырысып жатқаны белгісіз.
