Air Astana әуекомпаниясы IPO шеңберінде баға диапазонын үш алаңда – Лондон биржасы (LSE), Қазақстан қор биржасы (KASE) және Астана халықаралық биржасында (AIX) белгіледі. Бұл туралы Ulysmedia.kz хабарлайды.
Баға диапазоны
"Самұрық-Қазына" қорының басшысы Нұрлан Жақыповтың айтуынша, IPO шеңберіндегі баға диапазоны ЖДҚ (жаһандық депозитарлық қолхат) үшін 8,50 доллардан 11,00 долларға дейін және әр акция үшін 2,13 доллардан (956 теңгеден) - 2,75-ке дейін (1 237 теңгеге) дейінгі деңгейде белгіленген.
Соңғы бағасы өтінімдерді тіркеу аяқталғаннан кейін анықталып, 9 ақпанда жариялануы мүмкін.
Компания акциялар мен ЖДҚ-ны 120 миллионға шығаруды жоспарлап отыр. Компанияның күтілетін нарықтық капиталдандыруы 770 млн-нан 962 млн долларға дейін болады.
"Эйр Астана" IPO-сы
Air Astana компанияның кем дегенде 25% акциясын ұсынады.
Бұған дейін "Самұрық-Қазына" қорының өкілі әуе компаниясының ірі акционері – британдық BAE Systems IPO шеңберінде компания капиталынан толық шығуы мүмкін екенін айтқан еді.
Компанияның мажоритарлық пакетін иеленетін Қазақстан үкіметі Air Astana-ның Ұлттық тасымалдаушы болып қалуын және оның акциялары жергілікті алаңдарда саудаланғанын қалайды. Ол үшін компания капиталындағы 51% қазақстандық резидентке тиесілі болуы тиіс.
Air Astana-ны IPO-ға шығару идеясы бірнеше жылдан бері талқыланған.
Егер мәміле жасалса, бұл LSE-ге акциясы шыққан "Қазатомөнеркәсіптен" кейінгі қазақстандық мемлекеттік компания болады.
Алдын ала мәліметтер бойынша, IPO аясында авиагиганттар шамамен 1 млрд долларға бағалай алады.
Air Astana
Компания "Самұрық-Қазына" қорының (акциялардың 51%) және BAE Systems PLC Британдық компаниясының (акциялардың 49%) бірлескен кәсіпорны саналады.
