2024 жылдың басындағы Numbeo деректері бойынша Алматы Орталық Азиядағы ең қымбат қалалар рейтингінде көш бастап, өмір сүру бойынша Мәскеуді артта қалдырды, деп хабарлайды Ulysmedia.kz.
Астана 2, Ташкент 3, Бішкек 4-орында
Numbeo рейтингін 2009 жылдан бері жүргізіп келеді. Рейтингтер жалға берілетін тұрғын үй бағасы, азық-түлік, қоғамдық тамақтандыру бағасы және басқа да факторларды ескере отырып, пайдаланушылардың пікірлері негізінде қалыптасады.
2024 жылдың басында Алматы Орталық Азия қалаларының арасында бірінші орынды иеленді. Рейтингте Астана екінші, ал Ташкент пен Бішкек үшінші және төртінші орындарға жайғасты.Бірақ Numbeo қолданушыларының пікірлері шектеулі болғандықтан Душанбе және Ашхабад сияқты қалалар тізімге енбей қалды.
Бірақ Орталық Азияны ғана емес, жалпы Азияны алатын болсақ, Қазақстанның қалалары тек бесінші ондыққа кіреді. Ең қымбаты Сингапур болып шықты.
Азия рейтингіне 86 қала енген
Алматы түрік Анталиясы мен Қытайдың Ханчжоу қалаларының арасында орналасқан небәрі 40-орында. Астана 49-орында – Балиден төмен және Бакуден жоғары. Азия рейтингіне барлығы 86 қала енді.
362 қала кіретін жаһандық рейтингте Қазақстанның астаналары жүздіктің сыртында болды. Алматы 270-орында. Астана 289-орында. Астанасы Сербиялық Нис пен Оңтүстік Американың Преториясының арасында орналасқан.
Еске салайық, өткен жылы Numbeo-ның мәліметінше, Алматыдағы өмір Мәскеуден қымбат болып шықты. Бірақ 2024 жылдың басында Ресей астанасы әлі де Қазақстанның оңтүстік астанасын басып озып, әлемдік рейтингте 268-орынға тұрақтады.
