АҚШ президенті Джо Байденнің әкімшілігі Өкілдер палатасындағы республикалықтардың Украинаға жаңа қаржы бөлмей, Израильге қосымша көмек көрсету туралы заң жобасына қарсы болып отыр, деп хабарлады Ulysmedia.kz РИА Новости сайтына сілтеме жасап.
"Біз шекараны қорғау үшін ештеңе жасамайтын, Украина халқына көмектеспейтін және Палестина тұрғындарына гуманитарлық көмек көрсетуден бас тартатын бұл түлкі бұлаңға үзілді-кесілді қарсымыз", - делінген Ақ үйдің баспасөз хатшысы Карин Жан-Пьердің мәлімдемесінде.
Жан-Пьердің айтуынша, Ақ үй Украина мен Израильге жаңа қаражат бөлуге мүмкіндік беретін ұлттық қауіпсіздік пен шекараны қорғауға қосымша қаржы қарастыру туралы заң жобасы бойынша келісімге келу үшін сенаторлармен бірнеше ай бойы жұмыс істеп жатыр.
