Белсенді Вероника Воинова Алматыдағы Абай атындағы қазақ ұлттық опера және балет театры ғимаратының алдында 8 наурызда шеруге рұқсат беру талабымен жеке пикет өткізді, деп хабарлайды Ulysmedia.kz.
Белсенді нені талап етеді
Вероника Фонова пикетке плакат алып шықты. Онда "Сенің маршқа баруың үшін мен осында тұрмын" деп жазылған. Екінші жағында "өткен пикетте маған шабуыл жасаған Никита Бура жазаланады ма?” делінген.
3 ақпанда белсенді бір рет пикетке шыққан. Сол күні белгісіз адам одан плакатты тартып алмақ болған.
2 ақпанда белсенді Юлия Берген Алматыдағы Республика алаңында Тәуелсіздік монументінің жанында пикет өткізді. Ол сондай-ақ 8 наурызда шеруге рұқсат беруді талап етті.
Алматы әкімдігі 8 наурыздағы шеруге неге қарсы
Белсенділердің айтуынша, билік "аталған тақырыпта бейбіт жиналыстар өткізу кезінде қоғамдық тәртіп бұзылуы мүмкін" деп қауіптенеді.
Осындай тұжырыммен әкімдік феминистердің былтырдан бері үш өтінімін орындамаған.
Белсенділер әкімдікке тағы да жүгінуге ниетті.
8 наурыздағы шеру
2023 жылдың 8 наурызында Алматыдағы Ганди атындағы саябақта феминистер митингісі өткен еді. Оған кемінде 500 адам жиналған.
Митинг Алматы әкімдігімен келісілді. Бастапқыда феминистер шеруде 2022 жылғыдай жүріп өтпек болған. Алайда билік бұған рұқсат берген жоқ.
Содан кейін қыздар мен жігіттер митингке плакаттар мен ұрандармен келді. Олар тұрмыстық зорлық-зомбылық жасайтындарды қылмыстық жауапкершілікке тартуды, қылмыскерлерге жазаны күшейтуді және әйелдердің құқықтарын сақтауды талап еткен.
